Eclipse Parcial de Sol (20 marzo 2015)

O vindeiro 20 de marzo, día festivo en toda Galiza, teremos a oportunidade de observar unha eclipse parcial de Sol. A súa magnitude será xenerosa, ocultando a Lúa unha grande parte do Sol; visto desde Pontevedra un 74,3%. O fenómeno comezará ás 9:04 h, sendo a eclipse máxima ás 10:07h, e finalizando ás 11:16 h.      A Asociación de Amigos das Bibliotecas Municipais de Redondela, colabora coa Asociación Astronómica Sirio de Pontevedra e coa Concellería de Cultura de Redondela, na organización dunha CHARLA previa á eclipse, programada para o día 18 de marzo, ás 20:30h, na Casa da Cultura (Praza Figueroa).      Na charla abordaranse temas como:  Que é unha eclipse e as eclipses na historia. Mecanismos da eclipse. Que poderemos ver desde Pontevedra. Con que instrumentos podemos ver a eclipse...               Na cidade de Pontevedra, o día 20 de marzo, haberá unha observación pública do fenómeno organizada pola Asociación Sirio en colaboración co concello de dita cidade. Será na Praza da Ferrería de 9:00 a 11:30h. Facilitaranse os aparellos necesarios para poder gozar do fenómeno sen perigo para a saúde. ¡¡Aí vos quedan dúas citas moi interesantes!! Máis información sobre a Asociación Astronómica Sirio en: https://sites.google.com/site/asociacionastronomicasirio/home